Siroj Bekchanov Xorazm viloyati hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimiga tayinlandi.
Viloyat hokimligi matbuot xizmatining ma’lum qilishicha, tayinlovga qadar u Xorazm viloyati hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari kotibiyati mudiri lavozimida faoliyat yuritgan.
2020-yilning martidan buyon Xorazm viloyati hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari lavozimida Bahrom Qurbonov ishlab kelayotgandi.
31-mart kuni Jo‘rabek Rahimov Xorazm viloyati hokimi lavozimiga tasdiqlangandi. 2022-yil dekabrda Farhod Ermanov Xorazm viloyati hokimi lavozimidan ozod etilib, Qoraqalpog‘iston Vazirlar Kengashi raisi lavozimiga tasdiqlanganidan buyon Rahimov Xorazm viloyati hokimi vazifasini bajarib kelayotgandi.
1-aprel kuni Xorazm viloyatining Urganch, Qo‘shko‘pir, Bog‘ot, Tuproqqal’a tumanlariga yangi hokimlar tayinlangandi.
Izoh (0)