Xitoy kompaniyasi Farg‘onada kogeneratsiya hamda kichik GESlar loyihalariga investitsiya kiritishni rejalashtirmoqda. Bu haqda viloyat hokimligi axborot xizmati xabar berdi.
Xabarga ko‘ra, Xayrullo Bozorov, Xitoyning Feng Yuan kompaniyasi rahbari Goyin Fu boshchiligidagi delegatsiyani qabul qildi. Uchrashuvda Xitoy kompaniyasi tomonidan Farg‘ona viloyati hududida zamonaviy kogeneratsiya tizimini (yaʼni, bir paytda issiqlik va elektr energiyasini ishlab chiqarishni) joriy qilish, mini-GESlar qurish, shuningdek biochiqindilardan energiya olish bo‘yicha investitsion loyihalarni amalga oshirish masalasi muhokama qilindi.
Shuningdek, Xitoy kompaniyasi, O‘zbekistonda energetika loyihalarini amalga oshirishda loyihalashtirishdan foydalanishga topshirishga qadar bo‘lgan jarayonni o‘z ichiga olgan klaster tashkil etishni ham rejalashtirayotgani maʼlum qilindi.
Izoh (0)