“Xalqlar do‘stligi” san’at saroyida aprel va may oyida mashhur xonandalar, qiziqchi hamda kulgi jamoalarining konsert dasturi bo‘lib o‘tishi rejalashtirilgan. Quyida kutilayotgan konsertlar va ularning chipta narxlari haqida ma’lumot beriladi.
Nodirbek Hayitov
Qiziqchi Nodirbek Hayitov 24-aprel kuni konsert dasturini muxlislariga namoyish etadi. Uning konsert dasturiga kirish chiptasi narxlari 30 ming so‘mdan 350 ming so‘mgacha qilib belgilangan. Old qatordagi ko‘p joylar sotib bo‘lingan, biroq o‘rta, orqa va balkon qismidan sotib olishning imkoni bor.
“Benom” guruhi
“Benom” guruhi 28—30-aprel kunlari “Xalqlar do‘stligi” san’at saroyidagi konsert dasturini o‘tkazadi. Konsertga kirish chiptalari o‘ringa qarab 25 mingdan 400 minggacha qilib belgilangan. Old va o‘rta qatordagi joylar deyarli tugagan, orqa qator va balkon qismlaridagi joylarni bemalol sotib olsa bo‘ladi.
“Million” kulgi jamoasi
“Million” kulgi jamoasi 1—10-may kunlari 10 yillik yubileyiga bag‘ishlangan konsert dasturini muxlislariga namoyish etadi. Konsert chipta narxlari boshqa konsert dasturlariga nisbatan balandroq, ya’ni old qatordagi joylarni 400 mingdan 500 minggacha, o‘rta qatorlardagi joylarni esa 250 mingdan 350 minggacha, balkon qismidagi joylarni esa 40 mingdan 50 minggacha xarid qilsa bo‘ladi. Ushbu konsert dasturiga kirish uchun istalgan joyni band qilish mumkin.
Ozoda Nursaidova
Xonanda Ozoda Nursaidova 15—22-may kunlari “Yomg‘irlarda” nomli jonli ijrodagi konsert dasturini muxlislariga taqdim etadi. Balkondagi chiptalarni 30 ming so‘mdan boshlab xarid qilish mumkin. O‘rta qator va qanot qismlaridagi chiptalarni esa 100 ming so‘mdan 200 so‘mgacha sotib olsa bo‘ladi. Xonandaning konsert dasturiga kirish chiptalari hamma joy uchun yetarli. Old qatordagi chiptalar narxi 350 mingdan 400 minggacha etib belgilangan.
Hamdam Sobirov
Xonanda Hamdam Sobirov 23—25-may kunlari “Tentakcham” nomli konsert dasturini muxlislariga taqdim etadi. Konsert chiptalari narxlari 30 mingdan 400 minggacha qilib belgilangan. Old qatordagi joylarning chiptasi deyarli sotib bo‘lingan. O‘rta, orqa qator, qanot va balkon qismlardagi joylardagi chiptalarni esa sotib olish mumkin. Xonanda konsert dasturini jonli ijroda muxlislariga taqdim etadi.
Jaloliddin Ahmadaliyev
Jaloliddin Ahmadaliyevning “Biz ham bir yashasak maylimi” deb nomlangan konsert dasturi 29—31-may kunlari bo‘lib o‘tadi. Konsert dasturi chiptalarini joyga qarab 30 mingdan 350 minggacha sotib olish mumkin. Jaloliddin Ahmadaliyev ham konsert dasturini jonli ijroda taqdim etadi.
Dilmurod Sultonov
Xonanda Dilmurod Sultonov 6—8-iyun kunlari jonli ijrodagi konsert dasturini taqdim etadi. Balkon qismidagi joylarni 25 ming so‘mdan 30 minggacha xarid qilish mumkin. Orqa qismlardagi joylarning narxi esa 50 mingdan 120 minggacha qilib belgilangan. Old qatordagi joylarni 250 mingdan 300 minggacha xarid qilsa bo‘ladi. Konsert dasturiga kirish uchun istalgan joydagi biletlarni xarid qilish mumkin, chunki barcha joylardagi bilet topiladi.
Izoh (0)