Toshkentda bir-biriga tutash xonadonlarda yong‘in yuz berdi 

Favqulodda vaziyatlar vazirligi Toshkent shahar Uchtepa tumanidagi xonadonlarda sodir bo‘lgan yong‘in to‘g‘risida maʼlumot berdi.

Qayd etilishicha, 1-aprel kuni soat 01:45 da Uchtepa tumani “Paxtakor” MFYda bir-biriga tutash qurilgan xonadonlarda yong‘in sodir bo‘layotgani to‘g‘risida shahar FVBga xabar tushgan. Shunga ko‘ra 5 ta yong‘in-qutqaruv ekipaji hodisa joyiga yetib borib, yong‘in soat 02:31 da o‘rab olinib, soat 02:37 da bartaraf etilgan.

Yong‘in natijasida Kichik halqa yo‘li ko‘chasida joylashgan xonadon oshxonasining 15 kvadrat metr maydonda tom qismi, Uyg‘ur tor ko‘chasida joylashgan xonadonlarning 80 kvadrat metr maydonda tomi va ichki qismi, 25 va 20 kvadrat metr maydonda tom qismlari (jami xonadonlarni 140 kvadrat metr maydoni) yongan.

Yong‘in sababi va zarar miqdori aniqlanmoqda. Hodisa oqibatida tan jarohati olgan va halok bo‘lganlar yo‘q.