2022-yili Yevropada xususiy reyslar soni 64 foizga ko‘payib, rekord daraja — 572,8 mingtaga yetdi. Ma’lumotlar bugun, 30-mart kuni Greenpeace tashkiloti tomonidan e’lon qilindi.
Greenpeace doimiy ravishda samolyotlardan chiquvchi gazlar ortib borayotganini ta’kidlab keladi. Tashkilot ma’lumotlariga ko‘ra, 2022-yilda biznes-jetlar deyarli 3,4 mln tonna CO2 emissiyasini havoga chiqargan.
“Xususiy samolyotlar sayohatining xavotirli o‘sishi falokatning oldini olish uchun CO2 chiqindilarini zudlik bilan kamaytirishimiz kerakligini aytadigan barcha iqlim tadqiqotlariga zid keladi”, — deydi Greenpeace faoli Klara Mariya Shenk.
Greenpeace, shuningdek, 2022-yilda Yevropadagi barcha biznes-jet reyslarining 55 foizi 750 km dan kam bo‘lganini ta’kidlagan.
Tabiatni muhofaza qiluvchilarning fikriga ko'ra, masofalar boshqa yashil transport turlari bilan osonlikcha bosib o‘tiladi. Eng mashhur xususiy samolyotlar Parij—London, Nitsa—London va Parij—Jeneva yo‘nalishida harakat qilgan.
Biznes aviatsiyasi bozori pandemiya boshlanishi bilan ommalashdi. O‘shanda turli cheklovlar joriy etilgan va tijorat reyslari soni keskin kamaygan edi.
Izoh (0)