Sanoat xavfsizligi qo‘mitasi nazoratidagi korxonalarda 2022-yilda 81 ta baxtsiz hodisa sodir bo‘ldi
O‘zbekistonda 2022-yilda Sanoat xavfsizligi qo‘mitasi nazoratidagi korxona va tashkilotlarda 81 ta baxtsiz hodisaga yo‘l qo‘yilgan, 28 ta holatda oqibat o‘lim bilan tugadi.
Tog‘-kon, geologiya va sanoat xavfsizligini nazorat qilish inspeksiyasi axborot xizmati rahbari Malika Mirjamolova ma’lum qilishicha, yil davomida nazorat ostidagi korxona va tashkilotlarda sanoat radiatsiya va yadro xavfsizligi bo‘yicha 3 mingdan ziyod davlat nazorati, 8400 dan ortiq nazorat-profilaktika tadbirlari o‘tkazildi.
Natijada sanoat, radiatsiya xavfsizligi talablari va yer osti boyliklaridan foydalanish sohasida 53 mingdan ortiq qoidabuzilish holati aniqlandi. 32 ta korxonada ishlar vaqtincha to‘xtatib qo‘yildi. 3 mingga yaqin muhandis-texnik va rahbar xodimga nisbatan 2 milliard 193 million so‘m jarima miqdorida ma’muriy jazo choralari qo‘lanildi.
Nazorat ostidagi korxona va tashkilotlarda o‘tgan 2022-yil davomida umumiy 81 ta baxtsiz hodisaga yo‘l qo‘yilib, bulardan 28 ta hodisa oqibati o‘lim bilan tugagan, 5 tasi guruhiy va 48 holatda insonlar turli darajada tan jarohatlari olgan. Bunda 60 foizdan ortiq holatda tashkiliy sabablar, 30 foiz holatda texnik sabablar oqibatida baxtsiz hodisa sodir bo‘lgan.
