Futbol bo‘yicha O‘zbekiston milliy terma jamoasi 28-mart, seshanba oqshomida Venesuelaga qarshi o‘rtoqlik o‘yinida maydonga tushdi.
Uchrashuvning 7-daqiqasida venesuelaliklar hujumni golga aylantirgan holda oldinga o‘tib oldi. Birinchi bo‘limda har ikki jamoa vakillarida yana bir qator imkoniyatlar yuzaga keldi. Tanaffus arafasida O‘zbekiston terma jamoasi penalti ishlab oldi, biroq Jaloliddin Masharipov 11 metrlik jarima zarbasidan unumli foydalana olmadi.
67-daqiqada raqib futbolchilari Jan Fuentesning chetlatilishidan keyin bir o‘yinchi kam bo‘lib qoldi.
Ikkinchi bo‘lim oxirlab borayotgan vaqtda Jasur Yaxshiboyevga nisbatan ishlatilgan qo‘pollikdan keyin hakam yana penalti tepilishi kerakligini qayd etdi. Bu safar jabrlanuvchining o‘zi penaltini muvaffaqiyatli amalga oshirib, muvozanatni tikladi. Qolgan vaqtda hisob o‘zgarishsiz qoldi.
Avvalroq Srechko Katanes shogirdlari Boliviyaga qarshi o‘yinda minimal hisobdagi g‘alabani qayd etgandi.
O‘rtoqlik o‘yini
28-mart, seshanba
O‘zbekiston — Venesuela 1:1
Gollar: 0:1 – 7, penalti Gonsales, 1:1 – 79, penalti Yaxshiboyev.
O‘zbekiston: O‘tkir Yusupov, Hojiakbar Alijonov, Umar Eshmurodov, Husniddin Aliqulov, Sherzod Nasrullayev (Ibrohimxalil Yo‘ldoshev, 87), Abdulla Abdullayev (Jasur Yaxshiboyev, 73), Aziz G‘aniyev, Otabek Shukurov (Sardor Sobirxo‘jayev, 57), Jamshid Iskandarov (Aziz Turg‘unboyev, 57), Jaloliddin Masharipov (Oston O‘runov, 57), Eldor Shomurodov (Bobur Abduxoliqov, 57).
Venesuela: Xoel Graterol, Aleksandr Gonsalles, Junior Moreno, Yordan Osorio, Migel Navarro, Jan Fuentes, Ernesto Torregrossa, Xose Luis Martines, Eduard Bello, Kristian Kasseres, Salomon Randon.
Ogohlantirishlar: Gonsales (3), Bello (42), Turg‘unboyev (69).
Chetlatish: Fuentes (67).
Izoh (0)