Bugun,

  • USD 11095.31
  • RUB 173.84
  • EUR 10772.44

Germaniya Qurolli kuchlari Termiz aeroportida xavfsizlik va kuzatuv texnologiyasini xalqaro aviatsiya standartlariga mos ravishda yangilashni moliyalashtirdi. Bu haqda Germaniyaning O‘zbekistondagi elchixonasi xabar berdi.

Foto: Germaniyaning Toshkentdagi elchixonasi

Qayd etilishicha, mazkur texnologiyalar 12 kilometrdan ortiq uzunlikdagi tashqi to‘siq bo‘ylab, shuningdek, aeroportdagi operatsion markazda o‘rnatiladi. Bular uchun 1 million yevrodan ortiq mablag‘ ajratilgan.

Xususan, yoritish uskunalari uchun zamonaviy, tejamkor LED lampalardan foydalanilgan. Germaniya harbiy attashesi shu hafta aeroport maydonida o‘rnatish ishlari yakunlanganini ko‘rishga muvaffaq bo‘lgan.

“Termiz xalqaro aeroportida olib borilayotgan modernizatsiya ishlari bizda katta taassurot qoldirdi va bunga samarali hissa qo‘shganimizdan mamnunmiz”, — deyiladi xabarda.

Foto: Germaniyaning Toshkentdagi elchixonasi

Elchixona maʼlumotlariga ko‘ra, 2002−2015-yillarda Germaniya Qurolli kuchlari Afg‘onistondagi xalqaro missiyasi doirasida Termiz aeroportidan havo transporti uchun strategik markaz sifatida foydalangan.

“Ammo Germaniya Qurolli kuchlari olib chiqib ketilganidan keyin ham biz zamonaviy xalqaro tijorat aeroportiga aylanish yo‘lida ushbu aeroport bilan chambarchas bog‘liqmiz”, — deyiladi elchixona xabarida.

Eslatib o‘tamiz, 2021-yil avgust oyida Afg‘onistonda Tolibon hokimiyat tepasiga kelganidan so‘ng Germaniya va qator G‘arb davlatlari Termiz aeroporti orqali Kobuldan o‘z fuqarolarini evakuatsiya qilishni tashkil etgan edi.

Izoh
Asosiy yangiliklar
Mahalliy
Xorazm viloyati sudlari 3-sinf o‘quvchilariga shahvoniy shilqimlik qilgan o‘qituvchi besh sutkaga qamalgani bo‘yicha ma’lumot berdi
Mahalliy
Amrillo Inoyatov O‘zbekistondagi tug‘uruq komplekslari faoliyatini tanqid qildi
Mahalliy
Cobalt, Lacetti, Damas, Nexia ishlab chiqarish to‘xtatilmagan. Sotuvda yo‘q ushbu avtomobillar qayerga “ketayotgani” maʼlum qilindi