Toshkentda “Investitsiyalar va risk-menejment” mavzusidagi AgroInsurance 2023 ikkinchi xalqaro konferensiyasi o‘z ishini boshladi
25 mart kuni Toshkent shahrida qishloq xo‘jaligi ishlab chiqaruvchilari va moliyachilarning “Investitsiyalar va risk-menejment” mavzusidagi AgroInsurance 2023 ikkinchi xalqaro konferensiyasi o‘z ishini O‘zbekiston qishloq xo‘jaligini rivojlantirish istiqbollarini muhokama qilishdan boshladi.
Agrar tarmoq yurtimiz ijtimoiy farovonligi va iqtisodiy ravnaqida g‘oyatda muhim o‘rin tutadi. Qishloq xo‘jaligi O‘zbekiston YaIMning salmoqli o‘sishini ta’minlaydi, oziq-ovqat xavfsizligini kafolatlaydi va iqtisodiy faol aholining to‘rtdan biridan ziyod qismiga ish o‘rinlarini taqdim etadi.
Hosil mo‘l kelsa, hammaga yaxshi. Lekin hosilsizlik ro‘y bersa, uning oqibatlaridan butun mamlakat aziyat chekadi. Aynan shuning uchun har birimiz fermerlarimiz faoliyatini qo‘llab-quvvatlashga intilamiz. Olimlar hosildor tuprog‘imiz va hosilimizni nobud qilishga qodir bo‘lgan tabiiy halokatlarga qarshi kurashishning yangi usullarini ishlab chiqmoqda. Sug‘urtachi va bankirlar fermerlarning ishonchli moliyaviy himoyasini ta’minlash va ularni ko‘proq moliyalashtirishning yangi imkoniyatlari ustida izlanmoqda.
"Semurg Insurance" sug‘urta kompaniyasi va Paxta-to‘qimachilik klasterlari assotsiatsiyasi tomonidan O‘zbekiston Respublikasi Qishloq xo‘jaligi vazirligi ko‘magida tashkil etilgan AgroInsurance 2023 konferensiyasi O‘zbekiston qishloq xo‘jaligini rivojlantirish yo‘llarini muhokama qilish uchun qishloq xo‘jaligi sohasidagi xalqaro miqyosdagi olimlar, eng yirik klasterlar, xalqaro qayta sug‘urtalovchilar va fondlar, mamlakatimiz va xorijiy moliyaviy tashkilotlar vakillarini to‘pladi.
Konferensiyaning markaziy mavzusi hosilni sug‘urtalash bo‘ldi. Ilg‘or xalqaro ekspertlar butun dunyoda hosil sug‘urtasi ikkita eng muhim funksiyani bajarishini qayd etdilar.
Birinchisi, fermerlarga bevosita to‘lanadigan pul kompensatsiyasi ularga hosilning nobud bo‘lishi oqibatlarini yengib o‘tish va o‘z agrobiznesini qayta tiklashga yordam beradi.
"Semurg Insurance" sug‘urta kompaniyasi vakillari tushuntirganidek, ularning agrosug‘urta dasturi bo‘yicha to‘lovlar kafolatlangan, chunki ishonchlilik reytingi juda baland bo‘lgan "Swiss Re" yirik qayta sug‘urtalash kompaniyasi bilan hamkorlik qilinmoqda. Bunday xalqaro hamkorlik tufayli mamlakatimiz fermeri oxirgi paytlarda qishloq xo‘jaligida oddiy hol bo‘lib qolgan yirik miqdordagi zararlar paytida ham sug‘urtachidan to‘lov olishiga ko‘ngli hotirjam bo‘lishi mumkin.
Ikkinchisi. Sug‘urta fermerlarga nafaqat o‘z biznesini saqlab qolishga, balki uni muvaffaqiyatli rivojlantirishga ham yordam beradi. Konferensiyada O‘zbekiston uchun noyob bo‘lgan, lekin xalqaro amaliyotda keng qo‘llanilayotgan moliyaviy vosita taqdimot qilindi. Bu sug‘urta qilingan bo‘lajak hosildan qishloq xo‘jaligi biznesini rivojlantirishda kredit olish uchun garov sifatida foydalanish.
«Bu dastur nafaqat mavsumiy ishlarni bajarish, balki ekin maydonlarini kengaytirish va uskunalarni xarid qilish uchun kredit olish imkonini beradi. Ayni paytda sug‘urta qilingan bo‘lajak qishloq xo‘jaligi ekinlari hosilini garovga qo‘yishdan tashqari boshqacha bir ta’minot talab qilinmaydi», - deb tushuntirishdi "Semurg Insurance" vakillari.
Konferensiya ishtirokchilari ko‘tarilgan mavzularga katta qiziqish bildirib, xalqaro qayta sug‘urta kompaniyalarining kafolatlari, kredit olishda sug‘urtaning o‘rni, xalqaro fondlardan subsidiya olish imkoniyatilari haqida ko‘plab savol berishdi.
Qishloq xo‘jaligi vazirligi, Investitsiyalar, sanoat va tashqi savdo vazirligi, Iqtisodiyot va moliya vazirligi, Sug‘urta bozorini rivojlantirish agentligi, shuningdek, eng yirik "Swiss Re", "Europa Re" xalqaro qayta sug‘urtalash kompaniyalari ko‘magida o‘tkazilgan AgroInsurance 2023 ikkinchi xalqaro konferensiyasi — mamlakatimizda agrosug‘urta sohasini kompleks rivojlantirish sari muhim qadam. "Semurg Insurance" kompaniyasi xalqaro hamkorlar va O‘zbekiston Qishloq xo‘jaligi vazirligi ko‘magida bundan buyon ham yurtimiz qishloq xo‘jaligining barqaror rivojiga o‘z hissasini qo‘shadigan ishonchli agrosug‘urta dasturlarini rivojlantirishga tayyor.
Reklama huquqi asosida.
