Futbol bo‘yicha O‘zbekiston U-23 terma jamoasi O‘zbekiston vaqti bilan 28-mart, seshanba tongida Marokashga qarshi bahs olib bordi.
Uchrashuvning birinchi bo‘limida darvozalar daxlsiz qoldi. Tanaffusdan keyin marokashliklar javobsiz uchta to‘p kiritdi. Ismoil Saibari dubl qayd etgan bo‘lsa, yana bir golga Haymud Abdulloh muallif bo‘ldi.
Mazkur yig‘in doirasida Temur Kapadze shogirdlari avvalroq Kot-d’Ivuar bilan durang o‘ynagandi (0:0).
O‘rtoqlik uchrashuvi
28-mart, seshanba
Marokash U-23 — O‘zbekiston U-23 3:0
Gollar: 1:0 – 58 Saibari, 2:0 – 62 Saibari, 3:0 – 77 Abdulloh.
O‘zbekiston U23: Nazarov, Muqumjonov, Ibrohimov, Mamasidiqov, Muxtorov, Abdumajidov, Xolmatov, Mahmudov, Norchayev, Jiyanov, Rahimjonov.
Zaxira: Abdunabiyev, Yo‘ldoshev, Shamsiyev, Hamraliyev, Hoshimov, Jaloliddinov, Jo‘raqo‘ziyev, Begimov, Ibragimov, Toirov, Bo‘riyev, Odilov.
Izoh (0)