Toshkentda 77 yoshli erkakni aldab, 13 ming dollar pulini qo‘lga kiritgan fuqaro qo‘lga olindi. Bu haqda Kiberxavfsizlik markazi axborot xizmati xabar berdi.
Ma’lum bo‘lishicha, Toshkent shahri Mirobod tumanida yashovchi 77 yoshli Q.S.ga noma’lum shaxs qo‘ng‘iroq qilib, birja orqali pullarini ko‘paytirib olishni taklif qilib, 13 365 dollar miqdoridagi pulni qo‘lga kiritib g‘oyib bo‘lganini ma’lum qilgan.
O‘tkazilgan tezkor-qidiruv tadbirlari natijasida ushbu jinoyatni Toshkent viloyatida yashovchi 31 yoshli fuqaro A.F. tomonidan sodir etilgani aniqlanib, qo‘lga olingan. A.F. Jinoyat kodeksining 168-moddasi (firibgarlik) 3-qismi bilan bilan jinoiy javobgarlikka tortilgan.
Izoh (0)