Gollivud yulduzi Kianu Rivz “Jon Uik” filmining suratga olish jarayonida hamkasbining boshini yorib qo‘ygani haqida gapirib berdi

“Jon Uik” filmida bosh rolni ijro etgan Kianu Rivz yaqinda bergan intervyusida kinokartina qismlardan birining suratga olish jarayonida sodir bo‘lgan voqealar haqida gapirdi. Aktyor bir marta tasodifan hamkasblaridan birining boshini yorib qo‘yganini yodga oldi.

“Baxtsiz hodisalarga kelsak, bir marta xatoga yo‘l qo‘ydim — bir hamkasbimning boshini yorib qo‘ydim. Bu haqiqatan ham juda yomon, bu uchun uzr so‘rayman. Biroq qolganlar uchun... Yana suratga olish jarayonlarida bir yigitni mashina urib yubordi. Shuning uchun uni kasalxonaga olib borish kerak edi, biroq keyinroq yigitning ahvoli yaxshilandi. Suratga olish maydonchasida hamma bir-biriga yordam beradi”, — deydi aktyor.

Ma’lumot uchun, “Jon Uik” franshizasining to‘rtinchi qismida afsonaviy qotilning dunyo bo‘ylab sayohati va uning yerosti dunyosi rahbarlarini qanday tutishi ko‘rsatiladi.