Navoiyda o‘zganing 31 bosh qo‘yini o‘g‘irlagan shaxslar qo‘lga olindi 

Navoiy viloyati Karmana tumanida yashovchi fuqaroning 31 bosh qo‘yini o‘g‘irlagan shaxslar ushlandi, deb xabar beradi IIV matbuot xizmati.

Ma’lum qilinishicha, samarqandlik 42 yoshli shaxs tanishlari bilan jinoiy til biriktirib, Karmana tumanida yashovchi fuqaroning 31 bosh qo‘yini o‘g‘irlab, jabrlanuvchiga 45 million so‘m miqdorida moddiy zarar yetkazgan.

“O‘zim kechki payt o‘sha yerdan haydab chiqib, bozorlarda sotganman”, — deydi qo‘lga olingan shaxslardan biri.

Holat yuzasidan surishtiruv harakatlari olib borilmoqda.

Eslatib o‘tamiz, 2021-yilda Buxoroda besh yildan buyon qoramol o‘g‘irlash bilan shug‘ullanib kelgan uyushgan guruh qo‘lga olingani to‘g‘risida xabar berilgandi.