Maktabgacha ta’lim agentligi direktoriga o‘rinbosarlar tayinlandi

O‘zbekiston Maktabgacha ta’lim agentligi direktoriga o‘rinbosarlar tayinlandi. Bu haqda agentlik matbuot xizmati xabar berdi.

• Farrux Boboyev Maktabgacha va maktab taʼlimi vazirligi huzuridagi Maktabgacha taʼlim agentligi direktorining birinchi o‘rinbosari (u sobiq Maktabgacha taʼlim vazirligida Kadrlar boshqarmasi boshlig‘i lavozimida faoliyat yuritgan);
• Oyatillo Rahmatillayev Maktabgacha va maktab taʼlimi vazirligi huzuridagi Maktabgacha taʼlim agentligi direktorining o‘rinbosari;
• Nodir Muslitdinov Maktabgacha va maktab taʼlimi vazirligi huzuridagi Maktabgacha taʼlim agentligi direktorining o‘rinbosari lavozimlariga tayinlandi.

Avvalroq Agrippina Shin maktabgacha va maktab taʼlimi vazirining birinchi o‘rinbosari — Maktabgacha taʼlim agentligi direktori lavozimiga tayinlangan edi.

Eslatib o‘tamiz, 2023-yil 31-yanvar kuni maktabgacha va maktab ta’limi vaziriga o‘rinbosarlar tayinlangandi. Xalq ta’limi vazirining birinchi o‘rinbosari lavozimida ishlagan Usmon Sharifxo‘jayev maktabgacha va maktab ta’limi vaziri birinchi o‘rinbosari bo‘lgan.