Bugun,

  • USD 11095.31
  • RUB 173.84
  • EUR 10772.44

Juliya Roberts Gollivuddagi ko‘pchilik aktrisalarga o‘xshamaydi. U har hafta ijtimoiy tarmoqlarda farzandlarining suratlarini ko‘z-ko‘z qilmaydi, qayerdaligi haqida tvit yozmaydi. Aktrisa internetdan va muxlislar nigohidan tashqarida yashashni afzal ko‘radi, u rafiqa va ona sifatida juda baxtli hayot kechiradi.

Hashamatdan xoli hayot

Foto: Alamy Stock Photo

2000-yillarning boshida Juliya Roberts mashhurlikning eng yuqori cho‘qqisida edi. Har yili ekranlarda u bosh rolni ijro etgan super hit paydo bo‘lardi. Aktrisa hashamatli hayot kechirardi, vaqti-vaqti bilan Manxettendagi moda butiklari va restoranlariga kirardi. Keyin esa u kinematograf Daniel Moder bilan tanishib qoladi va hayoti tubdan o‘zgaradi.

O‘tmishdagi munosabatlarida aktrisa mashhurligi tufayli bir necha marta shov-shuvga sabab bo‘lgan. Erkaklar uning shon-shuhrati soyasida qolishni xohlamasdilar. Moder uchun sevgilisining muvaffaqiyati muammo emasdi. U aktrisani boricha qabul qildi, natijada Gollivud go‘zalining qalbini zabt etdi. Roberts uning Los-Anjelesdagi kamtarona kvartirasiga ko‘chib o‘tdi. Kechagina ko‘chadan kelmaydigan taniqli yulduz mashhur bo‘lmagan odam bilan qo‘ltiqlashib, uzoq sayr qilishlarni sevib qoldi.

Foto: Alamy Stock Photo

Aktrisa oddiy hayotga tez moslashdi. To‘yi kuni Juliya mehmonlarga ovqat tayyorlash uchun  qimmatbaho ko‘ylagini yechib, oddiy jinsi shim kiyib oldi. “Bu Amerikadagi har qanday odamning hovlisida bo‘ladigan barbekyuga o‘xshardi”, — deydi mehmonlar.

Er-xotinning do‘stlari ham to‘yni bayramdek nishonlashadi. Masalan, Bryus Uillis garmoshka chalgan. Yarim tunda Roberts diskoni yoqib, raqs maydonchasiga tushadi. Haqiqatan ham Gollivud elitalari uchun noodatiy marosim. Ammo juftlikning to‘yi qanday bo‘lgani ularning kelajakdagi hayotlari qanday bo‘lishining ajoyib namunasi edi.

“O‘z vaqtidagi” onalik

Foto: Alamy Stock Photo

Aktrisa 35 yoshida turmushga chiqdi, oradan 2 yil o‘tib birinchi marta ona bo‘ldi. Roberts intervyusida nima uchun avval farzand ko‘rmaganini shunday tushuntiradi: “Farzandli bo‘lganimizda men ko‘p narsaga erishdim va o‘zimni dadil his qildim. Hayotimning yangi, “oilaviy” bosqichini boshlaganimdan chin dildan xursand bo‘ldim”.

Tug‘uruq ta’tilidan keyin ko‘p aktrisalar kinoga qaytishga muvaffaq bo‘lishdi. Ammo Juliyani unutilish hissi xavotirga solmasdi. Rejissorlar filmlarida suratga tushish takliflari bilan navbatda turishardi. Ammo Juliya ularni kuttirgan holda o‘zini butunlay oilasiga bag‘ishladi.

Foto: Alamy Stock Photo

Egizaklari tug‘ilgandan so‘ng aktrisa ekranlarga qaytishga shoshilmadi. Roberts oddiygina eri va egizaklari bilan Nyu-Meksikodagi ranchoga — hamma narsadan uzoqlashib, hayotning yangi bosqichidan zavqlanishni orzu qilardi. U o‘zi uchun shunday yangi rolga kirdiki, 3 yildan keyin u 3-farzandini dunyoga keltirdi.

To‘liq ish kunidagi ona

Foto: Alamy Stock Photo

Roberts hayotida ko‘plab yorqin voqealar va yutuqlarga erishdi, jumladan, “Oskar”, dunyodagi eng go‘zal ayol va eng yuqori maoshli aktrisa unvonlari shular jumlasidan.

Shovqinli olqishlar o‘rniga – bolalarning kulgisi, kamera qarshisida o‘ynash o‘rniga – bolalari uchun ishtonchalar tikish. Kim o‘ylabdi deysiz, lekin Juliya Roberts boshqa kasblarning ham ustasi bo‘lib chiqdi. “Miyam doim aktiv bo‘lishi uchun tikuv mashinasini ishlatishni o‘rgandim”, deydi u. Garderobdagi eksklyuziv narsalar esa bonusga aylandi.

Foto: Alamy Stock Photo

“Bolalarim meni ajoyib oshpaz deb bilishadi!” — aktrisa g‘urur-la odamlar bilan baham ko‘radigan yutuqlardan biri. Bugungi kunda uning katta farzandlari 18 yoshda, eng kichigi 15 yoshda. Tug‘uruq ta'tili allaqachon o‘tib ketgan, lekin Juliyaning uy bekasi bo‘lish va oilasiga katta e'tibor berishi o‘ziga yoqadi.

U o‘zini aktrisadan ko‘ra ko‘proq uy bekasi deb biladi. “Shunday kunlar bo‘ladiki, — deydi u, — nonushtadan keyin oshxonani tozalab tugatishim bilan tushlik tayyorlashni boshlashga to‘g‘ri keladi. Undan so‘ng qarabsanki, kechki ovqat vaqti kelib turibdi. Ehtimol, bunday ssenariy ko‘pchilik ota-onalariga tanishdir. Ammo boshqa tomondan Juliya ba'zida uy ishlarini oilasi bilan bajarib, kunni katta bayramga aylantiradi.

Foto: Alamy Stock Photo

“Telefoningizdan ko‘z uzmasdan bolalaringiz bilan vaqt o‘tkazishni xohlamaysiz, shunday emasmi? Siz ularga butun e'tiboringizni qaratishni xohlaysiz”, — deb oddiygina qilib yulduz o‘z hayot falsafasi bilan o‘rtoqlashadi. U ishi va bolalari orasiga buzilmas devor qurib, ularni bir-biriga aralashtirib yubormaslikka harakat qiladi.

Gollivuddagi odatga ko‘ra, Juliya va Daniel hech qachon yosh bolalari bilan qizil gilamdan yurmagan. Er-xotin shaxsiy hayotlarining barcha tafsilotlarini ommadan yashiradi. 2021-yildagina o‘sha paytda 17 yosh bo‘lgan qizi otasi bilan Kann kinofestivalida ko‘rinish berdi.

Foto: Alamy Stock Photo

Juliya Robertsning aytishicha, u ota-onalik uchun mukammal sherik uchratganini anglagandagina ona bo‘lishga qaror qilgan. 20 yildan ko‘proq vaqt o‘tgach, er-xotin haqiqatan ham yaxshi jamoa ekanliklarini isbotladilar.

Shunga qaramay, vaqti-vaqti bilan har qanday onada bo‘lgani kabi aktrisani ba’zi savollar qiynaydi: “Ba’zida men hamma narsani buzganimdan qo‘rqib ketaman. Borib bolalarimdan so‘rayman: “Xo‘sh, men bugun qanday onaman?”. Oldingizda: “Siz hammasini to‘g‘ri qilyapsiz”, deydigan odam bo‘lsa, qanday yaxshi”.

Foto: Alamy Stock Photo

Mavzuga doir
Izoh
Asosiy yangiliklar
Mahalliy
UzAuto Motors Cobalt va Gentra narxlari oshishi haqidagi xabarlarni rad etdi
Biznes
Qozog‘iston O‘zbekistonga ko‘mir eksportini 25 barobargacha oshiradi
Mehridaryo
“11 yoshdagi bola uchun bu katta dard” — surxondaryolik ayol oqqonga chalingan bolasini davolatish uchun xalqdan yordam so‘ramoqda (foto)