O‘zbekistonda ikki oyda qancha benzin ishlab chiqarilgani ma’lum bo‘ldi

O‘zbekistonda 2023-yilning yanvar—fevral oylarida 263,9 ming tonna avtomobil benzini ishlab chiqarilgan. Bu haqda Statistika agentligi matbuot xizmati xabar berdi.

Qayd etilishicha, mamlakatda avtomobil benzini ishlab chiqarish hajmi 2022-yilning mos davri bilan solishtirilganda 33,5 foizga oshgan.

2023-yilning yanvar—fevral oylarida ayrim turdagi sanoat mahsulotlarini ishlab chiqarish hajmi:

• avtomobil benzini – 263,9 ming tonna;
• ko‘mir – 682 ming tonna;
• neft – 127,3 ming tonna;
• gaz kondensati – 209,5 ming tonna;
• avtobus – 114 dona;
• yuk avtomobillari – 350 dona;
• avtomobil dvigatellari – 21,4 ming dona.

Shuningdek, yanvar—fevral oylari davomida O‘zbekistonda 23 949 dona yengil avtomobillar (maxsus yengil avtomobillardan tashqari) ishlab chiqarilgan.

Avvalroq O‘zbekistonda Ai-80 benzini uchun aksiz solig‘ini “nol” stavkada qo‘llash muddati uzaytirilib, ushbu benzin narxi oshirilmaydigan bo‘lgan edi.