UzAuto: Nurafshonda Navro‘z sayli. Yangilanish, mehr-oqibat ayyomi xalqimizni birlashtiradi
Navro‘z go‘zal shukuhi, sof nafasi, sog‘intirib kelishi bilan o‘zgacha. Har gal go‘yo yangitdan kashf etilgandek. Bahor fasli va tabiat uyg‘onishining timsoli, yasharish va yangilanish ramzi bo‘lmish bu ayyomni orziqib kutish, baland ruh va katta xursandchilik bilan nishonlash el-yurtimiz uchun oliyjanob anʼanaga aylanib qolgan. UzAuto homiyligida Toshkent viloyati Nurafshon shahrida nishonlangan tarixi necha ming yillik o‘tmishga borib taqaluvchi Navro‘z shodiyonasida ana shu milliy urf-odatlar qayta tiklangandek bo‘ldi.
Navro‘z tantanasi birdamlik va rizq-ro‘z bayrami. Nurafshon shahrida joylashgan Nurafshon avto centre dilerlik markazi yoshu katta, bolalar o‘yin-kulgusi, quvonchi va zavqi bilan har galgidanda gavjum. Shodiyona munosabati bilan mazkur hududda istiqomat qiluvchi kam taʼminlangan, nogironligi bo‘lgan va ijtimoiy himoyaga muhtoj 100 ga yaqin oilalar uchun tantanali tadbir tashkil etildi. Bularning hammasi aholini yanada jipslashtirish, bir-birlariga nisbatan mehr va muruvvatni yanada mustahkamlash yo‘lidagi hayrli tashabbusdir.
Tadbirni UzAuto boshqaruv raisi Shavkat Umurzakov va Nurafshon shahar hokimi Muzaffar Saliyev ochib berib, barchani yasharish va yangilanish va ezgu niyatlar ayyomi Navro‘zi olam bilan samimiy tabrikladilar.
“Navro‘z — xalqimiz maʼnaviyatining ajralmas qismi sanaladi. Shu bois ham nafosat timsoli bo‘lgan ushbu bayramni barchamiz orziqib kutamiz. Davlatimiz rahbari bu bayramni o‘zgacha ruxda o‘tkazish maqsadida qabul qilgan Qarorlarida xalqimizning ezgu va go‘zal qadriyatlarini, uning olijanob orzu-intilishlarini o‘zida mujassam etadi. Sizlarni ushbu bayram bilan samimiy muborakbod etaman. Mana shu qutlug‘ kunda sizlarga sihat-salomatlik, xonadoningizga tinchlik-xotirjamlik, baxtu saodat tilaymiz. Navro‘zi olam yurtimizga tinchlik-omonlik, farovonlik va qut-baraka olib kelsin, — deydi Shavkat Umurzakov.
Necha yuz yillik anʼana va qadriyatlarimiz, milliy kuy-qo‘shiqlarimiz, turli o‘yinlaru tomoshalar ayni bahor tarovati bilan yanada jozibali. Xonandalar tomonidan ijro etilgan bahor, yoshlik va Navro‘zni madh etuvchi kuy-qo‘shiq va raqslar yig‘ilganlar qalbini ham bahor osmoniday beg‘ubor quvonchlarga to‘ldirdi.
Shou dasturlar barchaga chinakam bayram kayfiyat ulashdi. Har bir namoyishda yurtimizga o‘z husni tarovatini ko‘z-ko‘z etib kelgan bahor nafasini tuyish mumkin.
Tadbir yakunida “O‘zavtosanoat” AJ boshqaruvi raisi “Ayollar”, “Yoshlar”, “Temir”, “Mehr” daftarlariga kiritilgan hamda boshqa ijtimoiy ehtiyojmand aholining muammolarini o‘rganish maqsadida ochiq muloqot o‘tkazdi.
Qolaversa, Navro‘z shodiyonasi munosabati bilan kam taʼminlangan oilalarga moddiy va maʼnaviy yordam ko‘rsatildi, qariyalar, nogironlar, bemorlar va muhtojlar holidan xabar olindi.
Nurafshonda Navro‘z saylinig mazmunli va shodiyonada o‘tishida UzAuto, Uz Track and Bus Motors, UzAuto Motors Powertrain, UzAuto Motors, SamAuto kompaniyalari qo‘llab-quvatladi.
Reklama huquqi asosida.
