Bugun,

  • USD 11095.31
  • RUB 173.84
  • EUR 10772.44

AQSH prezidenti Jo Bayden ma’muriyati Rossiya va Xitoyning yaqinlashishiga imkon berib, strategik xatoga yo‘l qo‘ydi. Bu haqda Markaziy razvedka boshqarmasining sobiq rahbari va AQSH sobiq davlat kotibi Mayk Pompeo Fox News’ga bergan intervyusida gapirdi.

Foto: “RIA Novosti”

Siyosatchi Oq uyning XXR raisi Si Szinpinning Moskvaga tashrifini ahamiyatsiz hodisa sifatida ko‘rsatishga urinishlarini “katta strategik xato” deb baholadi.

“Bayden ma’muriyati muvaffaqiyatsizlikka uchradi, ular rossiyaliklar va xitoyliklarning birlashishiga ruxsat berdi, bu esa AQSH va har bir fuqaro uchun katta xavf tug‘diradi”, — dedi Pompeo.

Birlashgan Millatlar Tashkiloti Xavfsizlik Kengashining ikki doimiy a’zosi “AQSHga qarshi birlashgani” Vashington uchun salbiy oqibatlarga olib keladi, deya xulosa qildi Pompeo.

Si Szinpin 20-mart kuni rasmiy tashrif bilan Moskvaga keldi. Siyosatchi Rossiya bosh vaziri Mixail Mishustin bilan muzokaralar olib bordi va davlat rahbari Vladimir Putin bilan ikki marta uchrashdi. Siyosatchilar Ukrainadagi mojaroni tartibga solishni, 2024-yilda Rossiyada bo‘lib o‘tadigan prezidentlik saylovlarini muhokama qilib, “Sibir qudrati-2” gaz quvurini qurish bo‘yicha kelishuvning asosiy parametrlarini kelishib oldi. Muzokaralar yakunida Putin va Si Szinpin 2030-yilgacha iqtisodiy hamkorlikning asosiy yo‘nalishlarini rivojlantirish rejasini imzoladi.

Mavzuga doir
Izoh
Asosiy yangiliklar
Shou-biznes
Mashhurlar ham xato qiladi: Iste’dodli aktyorlarning omadsiz chiqqan rollari (foto) 
Mahalliy
Qarshidagi 64 ta mahallaning 34 foizi jinoyatchilik sodir etilishiga qarab “qizil”, 42 foizi “sariq” toifaga kiradi: Qashqadaryo IIB boshlig‘i masʼullarga maʼlumot...
Dunyo
Rossiya Ukrainada Leopard tanklarini emas, kombaynlarni yo‘q qilgan bo‘lishi mumkin (video)