Osiyo futbol konfederatsiyasi qo‘mitalarining vakolat muddati 2023—2027-yillarni tashkil etuvchi yangi tarkibi e’lon qilindi.
Milliy Olimpiya Qo‘mitasi bosh kotibi Oybek Qosimov Osiyo futbol konfederatsiyasining yuridik qo‘mitasi raisi o‘rinbosari lavozimiga tayinlandi.
Shuningdek, doimiy qo‘mitalarning yangi tarkibidan o‘zbekistonlik mutaxassislar ham joy oldi. Xususan:
Avaz Maksumov — Assotsiatsiyalar qo‘mitasi;
Jahongir Usmonov — Futzal va Sohil futboli qo‘mitasi;
Baxtiyor Dadamatov — Texnik qo‘mitasi;
Aziza Tatlimuratova — Ayollar futboli qo‘mitasi;
Kamoliddin Abdullayev — Media va kommunikatsiyalar qo‘mitasi tarkibiga tasdiqlandi.
Eslatib o‘tamiz, avvalroq O‘FA birinchi vitse-prezidenti Ravshan Ermatov OFK Ijroiya qo‘mitasining Markaziy Osiyo mintaqasiga saylangan hamda tashkilotning Hakamlar qo‘mitasi raisi o‘rinbosari lavozimiga tayinlangan edi.
Izoh (0)