Farg‘onada 36 yoshli erkak oilaviy janjal sabab ayolini pichoqlab o‘ldirdi

Farg‘ona viloyati Rishton tumanida 36 yoshli erkak o‘zaro kelib chiqqan oilaviy janjal sabab o‘z ayolini pichoqlab o‘ldirdi. Bu haqda “Daryo”ga Bosh prokuratura axborot xizmati xabar bermoqda.

Aniqlanishicha, 23-mart kuni soat 01.55 larda Rishton tumanida yashovchi 36 yoshli D.D. (havaskor hofiz) qonuniy nikohdan o‘tmay yashab kelgan 31 yoshli ayol M.B. bilan oilaviy masalada janjallashib, oshxona pichog‘i bilan bir necha marotaba unga tan jarohati yetkazgan. Olgan tan jarohatlari oqibatida ayol hodisa joyida vafot etgan.

Holat yuzasidan Jinoyat kodeksining 97-moddasi 1-qismi (qasddan odam o‘ldirish) bilan jinoyat ishi qo‘zg‘atilgan. Gumonlanuvchi protsessual tartibda ushlangan.

Hozirda dastlabki tergov harakatlari olib borilmoqda.