AQSHda asosiy stavka ketma-ket to‘qqizinchi marta oshirildi

AQSH Federal zaxira tizimi (Fed) federal jamg‘armalar bo‘yicha foiz stavkasini 25 bazaviy punktga oshirdi, endi uning diapazoni yiliga 4,75—5,0 foizni tashkil etadi. Bu haqda Fed bayonotida qayd etilgan. 

Qaror aksariyat iqtisodchilar va tahlilchilarning prognozlariga to‘g‘ri keldi, ba’zi ekspertlar esa AQSH bank sektoridagi muammolar fonida Fed stavkani o‘zgarishsiz qoldirishi mumkin, deya taxmin qilgandi.

Fed stavkani ketma-ket to‘qqizinchi marta oshirmoqda. Stavkaning 4,75—5,0 foiz atrofida shakllanishi 2007-yildan beri eng yuqori darajaga yetdi. 

AQSHda fond indekslari dinamikasi Fed yig‘ilishi natijalari e’lon qilinganidan keyin yaxshilandi. Dollar indeksi pasaygan bo‘lsa, oltin narxlari oshmoqda.