Ukraina razvedkasi Rossiyadagi boshqaruv rejimini o‘zgartirish yo‘llarini e’lon qildi
Ukraina Mudofaa vazirligi Razvedka bosh boshqarmasi vakili Andrey Yusov Rossiyadagi boshqaruv rejimini o‘zgartirish yo‘llari haqida gapirdi. Bu haqda UNIAN xabar berdi.
Uning so‘zlariga ko‘ra, rejimning o‘zgarishiga Rossiya prezidenti Vladimir Putinni hibsga olish orderi, shuningdek, Xalqaro jinoiy sudning pozitsiyasi yordam bermoqda.
“Rossiyada Putin deb ataluvchi shaxsdan uzoqlashmoqchi bo‘lganlar, bugungi kunda hokimiyat tepasida turganlar orasida ham ko‘payib bormoqda”, — dedi u.
Yusov bu ssenariylardan biri g‘alayon bo‘lishi mumkinligi, chunki inqilobni amalga oshirish uchun mamlakatda “ongli fuqarolar” ko‘p bo‘lishi kerakligini aytdi. Razvedkachi g‘alayonga sanksiyaga uchragan odamlar, Ukrainadagi Rossiya harbiylari o‘limidan norozi bo‘layotganlar boshchilik qilishi mumkinligini bildirdi.
Shuningdek, u Putin va uning yaqinlari ko‘proq elita isyonidan qo‘rqishishini qayd etdi.
“Natija qanday bo‘ladi? Yaqin kelajakda ko‘ramiz. Haqiqatan ham buni kutishga ko‘p vaqt ketmaydi. Biz mutlaqo oldindan prognoz qilish mumkin bo‘lgan vaqt oralig‘i haqida gapiryapmiz”, — dedi Yusov.
