Instagram: Kibrlangani uchun Yulduz Usmonovadan gap eshitgan Malik, Nargiza Azimovaga parodiya, tug‘ilgan kunini nishonlayotgan mashhurlar

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Ozoda Nursaidova yangi surati bilan ko‘rinish berdi va insonning o‘zgarishiga hayot emas, uning atrofidagi insonlar sababchi bo‘lishini aytdi.

Xonanda Shahnoza Otaboyeva turmush o‘rtog‘i, aktyor Kamol Bobonazarov bilan yarashganidan pushaymonligini bildirdi.

Asal Shodiyeva Glamour butigining ochilish marosimida ishtirok etdi.

Xonanda Kaniza gap-so‘zlardan charchagani sababli Turkiyaga dam olish uchun borgani haqida muxlislariga gapirib berdi.

“Ummon” guruhining sobiq xonandasi Shohrux tez kunlarda muxlislariga yangi ijod namunasini taqdim etishini ma’lum qildi.

2-mart sanasida xonanda Umidaxon tavallud ayyomini nishonladi.

“Million” kulgi jamoasi a’zosi Davron Kabulov rafiqasi bilan tushgan suratini muxlislariga ko‘rsatdi. 

“Qalpoq” kulgi jamoasi a’zosi Sohiba — Fotima Nazarova xonanda Nargiza Azimovaga parodiya qilgani aks etgan videoni e’lon qildi.

Xalq ardog‘idagi aktyor Matyoqub Matchonov yoshligida tushgan arxiv suratini e’lon qildi va umr haqidagi mulohazalarini bildirdi.

Aktrisa Ra’no Shodiyeva Hindiston elchixonasida o‘tkazilgan tadbirda qatnashdi.

Yulduz Rajabova yangi surati bilan ko‘rinish berdi.

“Million” kulgi jamoasi aktyori Mirkomil Musayev 1-mart kuni tug‘ilgan kunini nishonladi.

Bollivud aktrisasi Karishma Kapur folloverlariga yangi suratini taqdim etdi.

Aktrisa Odina To‘xtasinova haydovchilik guvohnomasiga ro‘mol bilan suratga tusha olgani uchun O‘zbekiston Respublikasi Prezidenti Shavkat Mirziyoyevga minnatdorchilik bildirdi.

Xonanda Nilufar Usmonova hamkasbi Umidaxonni tug‘ilgan kuni bilan tabriklab, samimiy tilaklarini bildirdi.

Yulduz Usmonova Malikning sahnada kibrlanganini sezgani va uni qanday jazolagani haqida gapirib berdi.

Shuningdek Yulduz Usmonova qizi va nevaralariga qozon kabob tayyorlab bergani aks etgan videoni e’lon qildi.

Bollivud yulduzi Kajol yangi suratini e’lon qildi.

Aktyor Javohir Zokirov onasi bilan tasodifan xalq ardog‘idagi aktyor Yodgor Sa’diyevni uchratib qolgani haqida obunachilariga so‘zlab berdi.

“Bravo” kulgi jamoasi a‘zosi Shahlo Zoirova bahoriy kayfiyatda tushgan arxiv suratini obunachilariga namoyish qildi.

Rossiyalik milliarder Alisher Usmonovning jiyani Ganya Usmonova garderobini ko‘rsatdi.

Aktrisa Shahzoda Matchonova yangi suratini sahifasiga joyladi.

Aktrisa Sitora Farmonova yangi obrazda tushgan suratini e’lon qildi.