Gonkongning yirik savdo tumanlaridan birida qurilayotgan osmono‘par binoda kuchli yong‘in chiqdi, ikki kishi shifoxonaga olib ketildi. Bu haqda South China Morning Post xabar berdi.
Ma’lum qilinishicha, yong‘in mahalliy vaqt bilan soat 23:11 da boshlangan, voqea joyida o‘t o‘chiruvchilar yong‘inga qarshi kurashmoqda. Qurbonlar haqida xabar berilmagan. Yong‘in birinchi bo‘lib bino tepasidagi qurilish zinasi yonida aniqlangan, olov uchqunlari qo‘shni ko‘chalarni yoritmoqda. Taxminan bir soat o‘tgach, yong‘in bino uzunligi bo‘ylab tarqalgan. Voqea joyida bo‘lgan AFP muxbiri havoga o‘tkir hid tarqalganini ma’lum qildi.
Qurilayotgan bino 42 qavatli “port belgisi” sifatida e’tirof etilayotgan edi. 764 million dollarlik bino qurilishi loyihasi 2019-yilda boshlangan va dastlab 2023-yilning birinchi yarmida yakunlanishi kutilgandi.
Izoh (0)