“Top Gan: Meverik” filmi yulduzi Tom Kruz aktyor, prodyuser Jeyms Kordenning “Kech kecha” shousidagi so‘nggi epizodda mehmon bo‘ldi. Ikkala aktyor ham Instagram’dagi sahifasiga birga tushgan yangi suratini joyladi.
Aktyor shouda Disney kompaniyasi tomonidan 1994-yilda suratga olingan “Qirol sher” filmidagi to‘ng‘iz Pumba obrazini yaratdi. Korden esa multqahramonning eng yaqin do‘sti Timonni gavdalantirdi. Maxsus qism 27-aprel kuni CBS telekanalida efirga uzatiladi va chiqish musiqiy bo‘ladi (aktyorlar unda mashhur “Hakuna Matata” qo‘shig‘ini ijro etishi ham mumkin).
Korden 2015-yildan beri tungi shouga boshlovchilik qilib keladi va u fevral oyida loyihaning butunlay yopilishini e’lon qildi. Avvalroq aktyor dasturning suratga olish jarayonlarida Tom Kruz bilan birga qiruvchi uchuvchiga aylanib, parashyutdan sakragan edi.
Kruz “Top Gan: Meverik” kinokartinasining prodyuserlik ishi bo‘yicha “Oskar”ning “Eng yaxshi film” nominatsiyasida mukofotni qo‘lga kiritdi. Film butun dunyo bo‘ylab qariyb 1,5 milliard dollar mablag‘ to‘plashga muvaffaq bo‘ldi.
Izoh (0)