O‘zbekiston Prezidenti administratsiyasi rahbari Sardor Umurzoqov Qatar amiri Shayx Tamim bin Hamad Ol Soniy bilan uchrashdi. Bu haqda amirlik devoni xabar berdi.
Qayd etilishicha, Sardor Umurzoqov Qatar amiriga Shavkat Mirziyoyevning maktubini yetkazgan.
Maktubda O‘zbekiston va Qatar o‘rtasidagi ikki tomonlama munosabatlar, ularni mustahkamlash va rivojlantirish istiqbollari hamda hamkorlik masalalari to‘g‘risida so‘z boradi.
Eslatib o‘tamiz, 2022-yilning dekabr o‘rtalarida O‘zbekiston Prezidenti administratsiyasi rahbari Sardor Umurzoqov Ashxobodga tashrif buyurib, Turkmaniston prezidenti Serdar Berdimuhamedov bilan uchrashgandi. O‘shanda Umurzoqov O‘zbekistonga qo‘shimcha ravishda kuniga 20 million kub metr gaz (3 oyda jami 1,5 milliard kub metr) berish bo‘yicha kelishuvga erishgan va shartnoma imzolangan edi.
Izoh (0)