O‘zbekistonda Ai-80 rusumli avtobenzin narxi 1-martdan boshlab 6 800 so‘mdan shakllanadi. Bu haqda “Daryo”ga “O‘zbekneftgaz” matbuot xizmati xabar bermoqda.
Ai-80 rusumli avtobenzin narxini keskin oshishining oldini olish bo‘yicha belgilangan “nol” stavkadagi aksiz solig‘ining muddati 1-martga qadar amal qiladi.
13-dekabrdan boshlab Ai-80 benziniga aksiz solig‘ini bekor qilish natijasida o‘rtacha 6 800—7 500 so‘mdan 5 700—6 000 so‘mgacha, yoki o‘rtacha 1 100 so‘mga arzonlashdi.
2023-yil 1-martda yuqoridagi tartiblarning amal qilish muddati (imtiyozli davr) yakunlangandan keyin aksiz solig‘i hisoblanishi va birjada narxlarning erkin (o‘sish darajasi cheklanmasdan) shakllanishi hisobiga Ai-80 rusumli avtobenzin narxi oshishi kutilmoqda.
Narxlar o‘zgarishi hisobiga “O‘zbekneftgaz” tasarrufidagi AYQSHlarda 1 litr Ai-80 rusumli avtobenzinning chakana narxi mahalliy mahsulot uchun 6 800 so‘mdan, import mahsuloti uchun 7 000 so‘mdan shakllanadi.
O‘zbekiston hududida qish faslida ob-havo harorati keskin sovib ketishi hamda avtomobillarga gaz quyish shoxobchalari faoliyatiga cheklovlar joriy etilganligi aholining Ai-80 rusumli avtobenziniga bo‘lgan talabi taklifga nisbatan keskin oshishiga olib keldi.
Izoh (0)