O‘zbekistonda hokimlarning vakolati qisqartirilishi kutilmoqda

O‘zbekistonda hokim bir vaqtning o‘zida xalq deputatlari kengashining raisi bo‘lmaydi. Bu haqda O‘zA xabar berdi. 

Xabarga ko‘ra, ayni vaqtda Oliy Majlis qonunchilik palatasi qo‘shma yig‘ilishi bo‘lib o‘tmoqda.

Avvalgi muhokamalarda konstitutsiyaviy qonun loyihasidan hokimlarning xalq deputatlari kengashlariga boshchilik qilishini nazarda tutuvchi qoida chiqarib tashlangan edi. Biroq  jamoatchilik tomonidan berilgan takliflarda bunday o‘zgarishning o‘zi yetarli emasligi, ya’ni hokimlar xalq deputatlari kengashlarida rahbar bo‘la olmasligi aniq ko‘rsatilishi kerakligi bildirilgan. 

Shunga muvofiq, “hokim lavozimini egallab turgan shaxs bir vaqtning o‘zida tegishli xalq deputatlari kengashining raisi lavozimini egallashi mumkin emas” degan qat’iy norma o‘rnatilmoqda.