Yanvar oyida poytaxtda ijaraning o‘rtacha narxi deyarli o‘zgarmadi va 2022-yil dekabr oyida 1,4 foizga biroz pasaygan holda 1 kv/metr uchun 10,1 dolllarni tashkil etdi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Ijaraning eng yuqori narxlari poytaxtning Shayxontohur (15,7 dolllar), Yakkasaroy (11,8 dolllar) va Mirobod (12,2 dolllar) tumanlarida qayd etildi.
Ijaraning nisbatan past narxlari Uchtepa (8 dolllar), Sergeli (6,9 dolllar) va Bektemir (6 dolllar) tumanlarida qayd etildi.
Shu bilan birga, 2022-yilning mos davriga kelib, Toshkent shahrida ijaraning o‘rtacha narxi deyarli 25 foizga oshdi.
O‘tgan yilning yanvar oyidan buyon uy-joylarni ijaraga berish bo‘yicha eng yuqori o‘sish sur’atlari Shayxontohur (56,7 foiz), Sergeli (29,9 foiz) va Chilonzor (25,8 foiz) tumanlarida qayd etilgan.
Ikkilamchi ko‘chmas mulk bozori
Hisob-kitoblarga ko‘ra, mamlakatda yanvar oyida ikkilamchi uy-joy bozorida 1 kv/m uchun uy-joy narxining o‘rtacha o‘sishi oyiga 0,9 foizni tashkil etgan bo‘lsa, 2022-yil yanvar oyidan buyon 20,2 foizga o‘sdi.
Yil boshidan buyon Navoiy — 29,3 foiz va Farg‘ona — 29 foiz viloyatlarida va Toshkent — 28,3 foiz shahrida uy-joy narxining sezilarli o‘sishi kuzatildi.
Toshkent shahrida ikkilamchi bozorda yanvar oyida narxlarning o‘sishi oyiga 1,9 foizni tashkil etdi.
Eng yuqori o‘sish sur’atlari Yunusobod — 2,9 foiz, Olmazor — 2,8 foiz va Shayxontohur tumanlarida — 2,7 foiz qayd etildi.
2022-yil yanvar oyidan boshlab Toshkent shahrida ikkilamchi uy-joylarning o‘rtacha narxi 28,3 foizga oshdi.
Izoh (0)