Qirg‘izistonda Xalqaro ishlar, mudofaa, xavfsizlik va migratsiya qo‘mitasi yig‘ilishida deputat Adaxan Madumarov O‘zbekiston rahbarining prezidentlik faoliyatini maqtab, Sadir Japarovning faoliyatini tanqid qildi. Bu haqda 24.kg xabar berdi.
.jpg)
Xalq deputatiga ko‘ra, Qirg‘iziston prezidenti o‘z tashriflarida, asosan, yuridik kuchga ega bo‘lmagan memorandumlarni imzolaydi. Deputat tashqi ishlar vaziri Jeenbek Quluboyevdan davlat rahbarining xorijiy tashriflari yakunlari haqida so‘radi.
“Biz prezidentning tashriflari haqida ommaviy axborot vositalari orqali xabar topamiz. Siz ham hozirgina xorijga bir necha bor tashrif bo‘lganini aytdingiz. Ushbu tashriflarning afzalliklari nimada? Keyin sakkizta hujjat imzolangani, ularning yettitasi memorandum ekani haqida xabar berishdi. Ular yuridik kuchga ega emas. Shartnoma haqida hech qanday gap yo‘q”, — deydi u.
Jeenbek Quluboyev bunga javoban natijalar tashrifga bog‘liqligini aytdi. Deputat Adaxon Madumarov siyosiy muloqotni yo‘lga qo‘yish prezidentning emas, Tashqi ishlar vazirligining ishi ekanini ta’kidlab, e’tiroz bildirdi.
“Nega O‘zbekiston rahbari tashrifini uch-to‘rt oyga cho‘zdi? O‘zbekiston rahbari har bir detalni nuqta-vergulgacha aniqlashtirgandan so‘ng Qirg‘izistonga yetib keldi. Biznikilar telefon orqali taklif qilishsa ham boradi. Janob Mirziyoyevning dastlabki beshta tashrifi yakunlari bo‘yicha 52 mlrd dollarlik investitsiya kelishuvi imzolandi. Bu prezidentning ishlash qobiliyati hisoblanadi. Biz esa faqat fotosuratlarni ko‘ramiz”, — deya xulosa qildi u.
Izoh (0)