Og‘ir kasallikdan aziyat chekayotgan Gollivud yulduzi Bryus Uillisda yana bir xastalik aniqlandi

Aktyor Bryus Uillisning oila a’zolari shifokorlar uning demensiya kasalligiga chalinganini aniqlashganini ma’lum qildi.

“2022-yil bahorida Bryusga afaziya tashxisi qo‘yilganidan keyin uning ahvoli og‘irlashdi va hozir unga aniqroq: frontotemporal demensiya tashxisi qo‘yildi. Afsuski, atrofdagilari bilan aloqa qilishdagi muammolar Bryus chalingan kasallikning alomatlaridan biri. Bu og‘riqli bo‘lsa-da, aniq tashxis qo‘yish yengillikdir”, — deyiladi aktyorning yaqinlari bayonotida.

Bryus Uillisning qarindoshlari frontotemporal demensiya 60 yoshdan oshgan insonlar orasida eng keng tarqalgan demensiya turi ekanini aytib o‘tdi.

Bu kasallikka chalingan bemorlar harakatida sekinlik yoki og‘irlik, keyinchalik siydik yo‘li va defekatsiyani nazorat qilishni yo‘qotish, mushaklar kuchsizligi kuzatiladi. Aktyorning qarindoshlari bu kasallikka jamoatchilik e’tiborini qaratish umidida uning tashxisini ommaga oshkor etishga qaror qilgan.

“Bugunga qadar ushbu kasallikni davolab bo‘lmasligi haqiqat, biroq kelgusi yillarda bu o‘zgaradi deb umid qilamiz”, — deydi Uillisning oila a’zolari.