Sirdaryo viloyati Xovos tumanidagi kasb-hunar maktabida o‘quvchilar tanaffusda karta o‘ynagani aniqlandi. Bu haqda viloyat hokimligi axborot xizmati xabar berdi.
Qayd etilishicha, Xovos tumani IIB xodimlari tomonidan surishtiruv ishlari olib borilgan. Unda besh nafar o‘quvchi E.R, E.M, Y.E, U.X hamda A.G. o‘zi tahsil olayotgan maktabda tanaffus vaqtida sinf xonasida karta o‘ynayotgani aniqlangan.
Ushbu holatni voyaga yetmagan A.G. telefoniga videotasvirga olgan va ushbu videotasvirni ijtimoiy tarmoqlarga joylagan. Holat bo‘yicha inspektor psixologlari tomonidan tergovga qadar tekshiruv harakatlari olib borilgan. O‘quvchilarning ota-onalariga nisbatan qonuniy chora ko‘rilib, profilaktik tushuntirish ishlari olib borildi.
Izoh (0)