“Kvarts” kompaniyasining ustav kapitalidagi 89,78 foiz aksiyalar paketini sotish bo‘yicha kelishuvga erishildi. Bu haqda Davlat aktivlarini boshqarish agentligi xabar bermoqda.
Ma’lum bo‘lishicha, “Kvarts” ustav kapitalidagi 89,78 foiz aksiyalar paketi 265 mlrd so‘mga “Quvasoysement” kompaniyasiga sotish bo‘yicha kelishuvga erishilgan.
Kelishuvga ko‘ra, “Quvasoysement” “Kvarts”ning 47,2 mln yevrolik kredit majburiyatini to‘liq qoplaydi.
“Kvarts” kompaniyasini xususiylashtirish jarayonida investorlardan sotib olish bo‘yicha 3 ta talabgorlardan ariza kelib tushgan. Eng yaxshi taklif sifatida “Quvasoysement” tomonidan taqdim etilgan taklif baholangan.
Davaktiv agentligi “Quvasoysement” kelajakda bozordagi raqobat kuchaygan sharoitda “Kvarts“ kompaniyasi faoliyatini rivojlanishini ta’minlashiga ishonadi.
“Quvasoysement” — yuqori sifatli mineral qo‘shimchali portlandsement, tarkibida gips va ohakli birlashtiruvchi aralashmalar, qovurg‘ali asbest sement listlar, keramik cherepitsalarni ishlab chiqaruvchi kompaniya hisoblanadi.
Kompaniya O‘zbekiston va Markaziy Osiyo mintaqasi bozoriga qurilish materiallarining yetakchi va yirik yetkazib beruvchilaridan biridir.
Izoh (0)