“Tottenhem” darvozaboni Lyoris jarohat sabab 6-8 haftani o‘tkazib yuboradi 

“Tottenhem” darvozaboni Ugo Lyoris “Manchester Siti”ga qarshi bahsda jarohat olgan edi.

36 yoshli posbon dastlabki tekshiruvlaridan so‘ng mavsumning qolgan qismini o‘tkazib yuborishi taxmin qilingandi, biroq “shporlar” Lyorisning 6-8 haftada safga qaytishiga umid qilmoqda. Fransuz hozirda tibbiy tekshiruvlardan o‘tishni davom ettirmoqda.

Shu tariqa Ugo Chempionlar Ligasi pley-offning dastlabki o‘yinlarini o‘tkazib yuboradi. “Tottenhem” “Milan”ga qarshi 1/8 final o‘yinini 14-fevral kuni o‘tkazadi. Javob uchrashuvi esa 8-mart kuni bo‘lib o‘tadi.

Lyoris joriy mavsum APLda 21 ta o‘yin o‘tkazib, 29 ta gol o‘tkazib yuborgan.