Ukrainadagi urush dunyo va AQSH uchun “asr sinovi”, dedi AQSH prezidenti Jo Bayden Kongressga yo‘llagan yillik murojaati chog‘ida. Baydenning nutqi Oq uy saytida translyatsiya qilindi.
“Bu mojaro Ikkinchi jahon urushi paytida Yevropa boshiga tushgan oʻlim va vayronagarchilik manzaralarini jonlantirmoqda. Bu asr sinoviga aylandi. Amerika uchun, butun dunyo uchun sinov”, — dedi u.
Amerika yetakchisi Qoʻshma Shtatlar “omon qolishga” muvaffaq bo‘lgani va global koalitsiya tuzgani, NATOni “tajovuz”ga qarshi birlashtirganini ta’kidladi.
Bayden Vashington ukrainaliklar bilan “qancha vaqt kerak bo‘lsa” shuncha qo‘llab-quvvatlashga va’da berdi. Uning ta’kidlashicha, AQSH “nafaqat Yevropada, balki hamma joyda yanada ko‘proq erkinlik, kattaroq qadr-qimmat va tinchlik o‘rnatilishi uchun” harakat qilmoqda.
Izoh (0)