Uzbekistan Airways Nyu-Yorkka parvozlar uchun 20 foizlik chegirma e’lon qildi

Uzbekistan Airways Toshkentdan Nyu-Yorkka parvozlar uchun chegirma taqdim qildi. Bu haqda kompaniya matbuot xizmati xabar bermoqda. 

Qayd etilishicha, 2023-yil 7-fevraldan 10-aprelgacha Toshkent—Nyu-York va Nyu-York—Toshkent yo‘nalishi bo‘yicha amalga oshiriladigan barcha aviaqatnovlarning ekonom va biznes-klass tariflariga 20 foiz maxsus chegirma taqdim etiladi.

Nyu-Yorkka uchish uchun 9-fevral, qaytish uchun esa 16-fevral tanlanganda narxlar quyidagicha bo‘ladi:

Bunda 20 foiz chegirma bilan Nyu-Yorkka borib kelish 8,9 mln so‘mdan boshlanadi.  

Ma’lum bo‘lishicha, chegirma salonda joy egallamaydigan va 2 yoshgacha bo‘lgan bolalar uchun amal qilmaydi.

Chegirmali aviachiptalarni “www.uzairways.com” sayti, “UzAirways” mobil ilovasi, Uzbekistan Airways Sales filiali, uning agentlari va xorijdagi vakolatxonalaridan xarid qilish mumkin.