“Tottenhem” hujumchi Harri Keyn faqat bir shart bilan “Real”ga o‘tishi ma’lum bo‘ldi

“Tottenhem” jamoasi Harri Keynni Bundesliga yoki La Ligaga sotib yuborishi mumkin.

“Shporlar” angliyalik hujumchini APLning boshqa bir jamoasiga o‘tishini xohlamaydi. 

The Times nashrining xabariga ko‘ra, Keyn yozda jamoani tark etadigan bo‘lsa, uning ehtimoliy xaridorlari “Bavariya” yoki “Real” — Maurisio Pochettino madridliklar bosh murabbiyiga aylanish sharti bilan, bo‘lishi mumkin. Harri 2019-yilga qadar argentinalik mutaxassis bilan birga ishlagan.

Agarda hujumchi Angliyani tark etadigan bo‘lsa, o‘zining asosiy maqsadlaridan biri — Alan Shirerning APLdagi gollari bo‘yicha (260) rekordini yangilashni amalga oshira olmaydi. Hozirda Keyn hisobida Premyer Liga doirasida 200 ta gol mavjud.