“Agrobank” ATB Qashqadaryo viloyat boshqarmasi Qamashi filiali mansabdor shaxslari jinoiy til biriktirib, oʻziga ishonib topshirilgan mablagʻlarni oʻzlashtirish va rastrata qilish yoʻli bilan talon-toroj qilgan, deb xabar bermoqda viloyat prokuraturasi matbuot xizmati.
Bosh prokuratura matbuot xizmatining “Daryo” so‘roviga ko‘ra aniqlik kiritishicha, ular 4 milliard so‘mga yaqin oʻzlashtirganlikda gumonlanmoqda.
Mazkur holat yuzasidan Iqtisodiy jinoyatlarga qarshi kurashish departamenti Qashqadaryo viloyat boshqarmasi tomonidan Jinoyat kodeksining 167 (o‘zlashtirish yoki rastrata yo‘li bilan talon-toroj qilish) va 209-moddalari (mansab soxtakorligi) bilan jinoyat ishi qoʻzgʻatilib, dastlabki tergov harakatlari viloyat prokuraturasi tomonidan olib borilmoqda.
Tergov davomida 3 nafar mansabdor shaxsga nisbatan “qamoqqa olish” tarzidagi ehtiyot chorasi qoʻllangan.
Tergovning borishi alohida nazoratga olingan.
Izoh (0)