Dam olish kunlari Avstriya, Italiya va Shveysariya bo‘ylab Alp tog‘laridagi bir nechta tog‘-chang‘i kurortlarida yuz bergan qor ko‘chkilari kamida 13 kishining hayotiga zomin bo‘ldi.
Avstriya hukumati qor ko‘chkisi xavfining ikkinchi, to‘rtinchi va eng xavfli darajalarini e’lon qildi. Bunday holda, tajribasiz chang‘ichilarga ochiq chang‘i yonbag‘irlarida qolish, tajribali chang‘ichilarga esa juda tik yonbag‘irlardan uzoqroq turish tavsiya etiladi.
Avstriya va Italiya shimolida joylashgan tarixiy Tirol mintaqasiga kuchli qor va qattiq shamoldan keyin qor ko‘chkisi xavfi ortdi.
4-fevral kuni birgina shu mintaqada 30 dan ortiq qor ko‘chkisi qayd etilgan. Ba’zi odamlar hanuz bedarak yo‘qolgan, deb hisoblanmoqda, chunki ko‘rishning yomonligi va ob-havo sharoiti tufayli qutqaruv ishlari sekinlashgan.
5-fevral kuni Avstriya politsiyasi besh qurbon, jumladan, uyiga olib boruvchi yo‘lakni qordan tozalash vaqtida ko‘chki ostida qolgan 59 yoshli erkakning o‘limi haqida xabar berdi.
Izoh (0)