Mashinani tez haydamang, novvoyxonaga piyoda boring. Yonilgʻini tejash uchun 7 ta layfxak

Benzin narxi tobora oshib boradi va hech yoʻq inflyatsiyaning minimum darajasi bilan birga oʻsishda davom etadi. Magistral yoʻlda boʻshab qolayotgan bak bilan toʻsatdan tirbandlikka tushib qolish yoqimli “sarguzasht” emas, kamiga yonilgʻi quyish shoxobchasida kartangizdan tez-tez pul yechtiraversangiz, qanchalar ogʻriqli. Avtomobilni boshqarishning qanday asosiy tamoyillari benzinni tejashga yordam beradi?

Yoʻl tirbandligi, quvib oʻtish va harakatsiz holda turish yonilgʻi uchun ortiqcha pul sarflashning yagona sababi emas. Quyida qanday harakatlar bilan mashina boshqarganda benzin sarfi sezilarli darajada kamayishiga yordam beruvchi usullarni bilib oling.

 Past tezlik kamroq yonilgʻi demakdir

Maslahat oddiy, ammo kimdir uchun bu vahimali tuyulishi mumkin. Mashinani tez haydamang! Poygada qatnashmayotgan boʻlsangiz, albatta. Tezlikni cheklash va mashinani 80 km/soat tezligida haydash yonilgʻini sezilarli darajada tejaydi. Uni soatiga 10-15 km/soatga oshirsangiz, koʻzlagan manzilingizga tezroq yetib borasiz va tejalgan vaqtni benzin uchun pul koʻrinishida sarflaysiz. Tezlikni 10-15 km/soatga kamaytirish yonilgʻi tejashni 14 foizga oshiradi. Yoʻlga odatdagidan biroz koʻproq vaqt ajratishga harakat qiling, trassada optimal tezlikni saqlab qolish uchun sayohat nazoratini yoqing.

Novvoyxonaga piyoda borish maʼqul

Piyoda yurish immunitet tizimini, yurakni, qon tomirlarni mustahkamlaydi, ortiqcha vazndan xalos boʻlishga va ayniqsa, pulni tejashga yordam beradi. Jiddiy maslahat: mashinadan skuter sifatida emas, balki uzoq masofalarga zarur transport vositasi sifatida foydalaning, toki mashinasiz borishning hech iloji boʻlmagan manzillarga. Koʻpincha yaqin masofalarga borib kelish uchun piyoda yoki jamoat transportidan foydalanish benzinni koʻp sarflashdan va keyingi yoqilgʻi quyish shoxobchasini yanada yaqinlashtiradigan tirbandlikda turishdan koʻra tezroq va qulayroqdir. Sayohatlarda avtomobil bilan boradigan manzillarning faqat yarmigina biz uchun muhim. Bolalaringizni har kuni mashgʻulotlarga, maktab va hokazolarga olib borsangiz, sinfdoshlarining ota-onalari bilan ularni navbatma-navbat olib borish haqida kelishib olishga harakat qiling.

Yoʻlga chiqishdan oldin marshrutni rejalashtiring

Yoʻlga chiqishdan oldin manzilingizga boradigan barcha marshrut variantlarini koʻrib chiqing. Tirbandlik va svetoforlar, keraksiz burilishlar va orqaga qaytishdan qochish pulni tejaydi. Agar mashinada ishga borib kelsangiz, ishxonangizga yaqin boʻlgan lokatsiyalarni belgilab oling: xarid qilish uchun yirik supermarketlar, savdo doʻkonlari, dorixonalar, kimyoviy tozalash xizmatlari va hokazo.

Harakatsiz turmang

Mashina toʻxtaganda uni oʻchirib qoʻying. Avtomobil faqat harakatlanish uchungina ishlasin. Yoqilgan holda harakatsiz turish soatiga bir yarim litrgacha benzin sarfiga toʻgʻri keladi. Dvigatelni qayta ishga tushirish uchun sizga 10 soniya kerak boʻladi. Farqni his eting!

Avtomobilingiz shinalarini tekshiring

Shinalar bosimini tekshiring. Ular qanchalik boʻsh boʻlsa, mashina haydash uchun shuncha kuch sarflaydi va benzin isteʼmol qiladi. Va, albatta, rejali tekshiruvlarni oʻtkazishni unutmang (texnik xizmat koʻrsatishning bir qismi sifatida barcha shinalar tez-tez tekshirilishi kerak). Avtomobildagi barcha mexanizmlarning soatdek toʻgʻri ishlashi benzin sarfini kamaytirishning kalitidir.

Tormoz va gazni aql bilan bosing

Darhol tezlikni oshirib yuborish va qattiq tormozlanish benzinni ichib yuboradi. Agar oldinda svetofor boʻlsa, birinchi boʻlib unga uchib yetib olishga oshiqmang, mukofot olmaysiz. Asta-asta sekinlashing va toʻsatdan tormozlashdan saqlaning. Tezlikni ravon koʻtarib, xuddi shunday silliq tormozlasangiz, shinalarning ishlash muddatini ham uzaytirasiz, ham yonilgʻini ikki barobar tejaysiz.

Havo sirkulyatsiyasi rejimini yoqing

Issiq va sovuq havoda avtomobil ichidagi harorat tashqaridagi haroratdan sezilarli darajada farq qiladi. Avtomobil tashqaridan emas, balki yoʻlovchi boʻlinmasidan keladigan havoni isitish yoki sovitish uchun kamroq quvvat sarflaydi. Havo sirkulyatsiyasi rejimi ichki havoni filtrlaydi, shamollatish teshiklari orqali tezroq va osonroq tarqatadi, bu sizning yonilgʻi uchun pullaringizni tejab qolishga xizmat qiladi.

Mavzuga doir:

• Haydovchilarni har qadamda sarguzasht kutayotganining 20 ta isboti (foto)
• Avtomobilni o‘ziga ishongan holda boshqarishning 5 ta oddiy usuli