A Seriya. “Roma” o‘z maydonida ishonchli g‘alabaga erishdi 

Futbol bo‘yicha Italiya A Seriyasining 21-turida “Roma” 4-fevral, shanba kuni “Empoli” bilan bahs olib bordi. 

Uchrashuvning 2-daqiqasidayoq Rojer Ibanez Paulo Dibalaning uzatmasini golga aylantirdi. 6-daqiqada esa Temmi Abraham ham o‘z hisobiga gol yozdirib qo‘ydi. Dibala yana bir bor assistni amalga oshirdi.

Shu tariqa rimliklar 2:0 hisobida zafar quchdi va 40 ochko bilan 2-o‘ringa ko‘tarilib oldi. 

A Seriya

21-tur bahsi

4-fevral, shanba

“Roma” — “Empoli” 2:0

Gollar: 1:0 – 2 Rojer, 2:0 – 6 Abraham.

“Roma”: Ruy Patrisiu, Smolling, Manchini, Rojer, Matich, Kristante, Pellegrini (Belotti, 90), Zalevski (Lyorente, 90), Dibala (Bove, 70), Abraham, Ash-Shaaravi (Chelik, 84).

“Empoli”: Vikario, Ebuexi (Stoyanovich, 82), Luperto, de Vinter, Parizi, Akpa-Akpro (Henderson, 74), Marin, Bandinelli (Pyasa, 83), Bal'dansi, Kaputo (Pikkoli, 62), Satriano (Kambyagi, 62).

Ogohlantirishlar: Zalevski (10), Bove (77), Henderson (80).