Shimoliy Koreya KXDR Oliy xalq yig‘ini Prezidiumining XXIV plenumida davlat sirlarini himoya qilishga qaratilgan yangi qonunni qabul qildi, deb xabar bermoqda Koreya markaziy telegraf agentligi.
Qayd etilishicha, “Davlat sirlarini himoya qilish to‘g‘risida”gi qonunning maqsadi tizim va tartib o‘rnatish orqali milliy xavfsizlik va “sotsialistik qurilish”ni rivojlantirishga ko‘maklashishdir.
Qonunda aynan nimalar “davlat siri” deb hisoblanishiga aniqlik kiritilmagan.
O‘z navbatida, janubiy koreyalik kuzatuvchilarning Yonhap’ga aytishicha, qonun cho‘zilib ketgan iqtisodiy muammolar sharoitida davlat nazorati va intizomini kuchaytirishga qaratilgan bo‘lishi mumkin.
Janubiy Koreyaning ikki Koreyani birlashtirish vazirligi bu harakatni Kim Chen In rejimining “umumiy ijtimoiy tartibni mustahkamlash”ga qaratilgan sa’y-harakatlari aksi sifatida baholadi.
Izoh (0)