Samarqandda 2000 ta xonadonga quyosh fotoelektr stansiyalari o‘rnatiladi

Samarqand viloyatida 2023-yilda yordamga muhtoj aholining uyiga kichik hajmdagi quyosh fotoelektr stansiyalari o‘rnatiladi. Viloyat hokimi Erkinjon Turdimov 23-yanvar kuni bu haqdagi qarorni imzoladi.

Qayd etilishicha, QFESlar “temir daftar”ga kiritilgan oilalarning 2 mingta xonadoniga qo‘yiladi.

Mavjud ma’lumotlarga ko‘ra, zamonaviy uskunalar eng ko‘p Urgut tumani (260) va Samarqand shahridagi ehtiyojmand oilalarga beriladi.