Namangandan Damashq qilichlari va devoriy suratlar topildi

Namangandagi Axsikent shahar xarobasidan noyob tangalar, Qoraxoniylar davriga oid devoriy suratlar va ming yillik Damashq qilichlari topildi.

Qayd etilishicha, National Geographic Axsikentda tayyorlangan Damashq qilichlari, Shahristonning oltin darvozasi, noyob tangalar va Axsikent yodgorligidan topilgan Afrosiyob va Varaxshadagi kabi Qoraxoniylar davriga oid devoriy suratlar haqida turkum ko‘rsatuvlar tasvirga oladi.

“Ming yil avvalgi mashhur qilichlar topilgani va ularning vatani aynan Axsikent ekani bizni hayratlantirmay qo‘ymaydi. Xitoy manbalarida Axsikent shahristoni darvozalari oltindan bunyod etilgani haqida yozilgan. Mahalliy aholi o‘rtasida ushbu darvoza Sirdaryo tubida qolib ketgani haqida rivoyatlar yuradi. Ular, albatta, tarixiy haqiqatlarga asoslangan”, — deb yozmoqda xorijlik ekspertlar.

Ayni kunlarda arxeologlar To‘raqo‘rg‘on tumanida joylashgan Axsikent yodgorligida tadqiqot ishlarini olib bormoqda. Restavratorlar guruhi tomonidan devoriy suratlar va ganchkorlik buyumlari ta’mirlanmoqda, ushbu buyumlar muzeyga qo‘yiladi.