2023-yilning yanvar oyida iste’mol bozoridagi narxlarning o‘rtacha darajasi 0,8 foizga oshdi. Bu haqda Davlat statistika qo‘mitasi xabar bermoqda.
Mamlakatda yillik inflyatsiya 0,1 foizga pasayib 12,2 foizni tashkil qildi.
2023-yilning yanvarida tovarlar narxi oy davomida 100,9 foizga, xizmatlar 100,7 foizga o‘sdi. Yillik nisbatda tovarlar narxi 113,3 foiz, xizmatlar esa 108,4 foiz darajasida shakllandi.
Shuningdek, yanvarda oziq-ovqat mahsulotlari 1 foizga qimmatlagan bo‘lsa, nooziq-ovqat mahsulotlar narxi 0,6 foizga, xizmatlar narxi esa 0,7 foizga oshdi.
Oziq-ovqat mahsulotlari kesimida yillik nisbatda guruch 25,5 foizga, bug‘doy 43 foizga, shakar 40,2 foizga, tuxum 32 foizga qimmatlashdi.
Yanvar oyining o‘zida piyoz narxlari 44,7 foizga oshgan bo‘lsa, o‘tgan yilning yanvariga nisbatan ushbu mahsulot 2,8 barobar qimmatlashgan.
2023-yilning yanvarida yog‘lar va moylar 0,4 foizga, shakar, qandolat mahsulotlari va desertlar 0,5 foizga arzonlashgan.
Izoh (1)
Yolg'onning 3 turi buladi.
1 Oddiy yolg'on
2 Qip qizil yolg'on
3 Statistika