O‘zbekistondan Afg‘onistonga temiryo‘l qatnovi vaqtincha to‘xtatiladi
O‘zbekistondan Afg‘onistonga temiryo‘l qatnovi 1-fevraldan boshlab vaqtincha to‘xtatiladi. Bu haqda “O‘zbekiston temir yo‘llari” xabar berdi.
Ma’lum qilinishicha, 26—30-dekabr kunlari Termiz shahrida o‘tkazilgan muzokaralar davomida 2023-yilning 1-fevraliga qadar Afg‘oniston hududidagi texnik ishlarni bosqichma-bosqich Afg‘on temir yo‘llari ishchilari tomonidan amalga oshirilishi bo‘yicha harakatlar rejasi kelishilgan.
Uchrashuv davomida “Sogdiana trans” SHK va Afg‘on temir yo‘l boshqarmasi o‘rtasida tomonlar bajaradigan ishlar ro‘yxati ikki tomonlama kelishilib, yangi shartnoma imzolanishiga kelishilgan hamda tegishli bayonnoma imzolangan.
Afg‘oniston temir yo‘l boshqarmasi kelishilgan chora-tadbirlarni o‘z vaqtida amalga oshira olmayotgani sababli 1-fevraldan boshlab Afg‘onistonga temir yo‘l qatnovi vaqtincha to‘xtatilishi ma’lum qilingan. Gʻalaba—Hayraton temiryo‘li ochilishi haqidagi ma’lumotlar to‘ldiriladi.
