Greta Tunberg to‘rtinchi bor tinchlik bo‘yicha Nobel mukofotiga nomzod bo‘ldi

Shvetsiyalik 19 yoshli ekofaol Greta Tunberg tinchlik bo‘yicha Nobel mukofotiga to‘rtinchi bor nomzod bo‘ldi. Bu haqda Norvegiyaning NTB agentligi xabar bermoqda

Qayd etilishicha, Tunberg va uning Fridays for Future harakati nomzodini “Yashillar” partiyasidan Norvegiya parlamenti deputati Rauand Ismail ilgari surgan.

“Fridays for Future harakati va Greta Tunberg tufayli iqlim bo‘yicha namoyishlar butun dunyo yoshlarini ushbu kurash uchun birlashtirdi, shu sababli ular tinchlik mukofoti uchun munosib nomzodga aylanishdi. Ular real vaqt rejimida dunyoni o‘zgartirmoqda”, — deb Ismailning so‘zlaridan iqtibos keltirgan Norvegiya agentligi

Ilgari Shvetsiyada qirol Karl XII haykali o‘rniga Tunberg haykalini qo‘yish taklif qilingandi.

Greta Tunberg 2018-yil avgust oyida Stokgolmdagi parlament binosi oldida yakkaxon piketga chiqqanidan keyin Shvetsiyada ham, xorijda ham tanildi. U hukumatdan iqlim bo‘yicha Parij kelishuvi shartlarini bajarishni talab qilgan.