Prezident qarori bilan Oliy taʼlim, fan va innovatsiyalar vazirligida tayinlovlar amalga oshirildi.
Komiljon Karimov oliy taʼlim, fan va innovatsiyalar vaziri birinchi oʻrinbosari lavozimiga tayinlandi. Shahloxon Turdiqulova va Sarvarxon Buzrukxonov vazir oʻrinbosarlari bo‘ldi.
Tayinlovga qadar Shahlo Turdiqulova 2020-yilning oktabridan innovatsion rivojlanish vaziri birinchi o‘rinbosari lavozimida, Sarvarxon Buzrukxonov 2018-yilning noyabridan oliy va o‘rta maxsus ta’lim vaziri o‘rinbosari lavozimida ishlab kelgan.
Olimjon Toʻychiyev Oliy taʼlim, fan va innovatsiyalar vazirligi huzuridagi Innovatsion rivojlanish agentligi direktori lavozimida, Majid Karimov Oliy taʼlim, fan va innovatsiyalar vazirligi huzuridagi Bilim va malakalarni baholash agentligi direktori lavozimiga tayinlandi.
Tayinlovga qadar Olimjon To‘ychiyev 2021-yilning aprelidan Innovatsion rivojlanish vazirligi huzuridagi Innovatsiyalarni joriy qilish va texnologiyalar transferining milliy ofisi bosh direktori lavozimida, Majid Karimov 2017-yilning mayidan Davlat test markazi direktori lavozimida ishlab kelgan.
Sadoqat Siddiqova boshqa ishga oʻtishi munosabati bilan oliy va oʻrta maxsus taʼlim vazirining oʻrinbosari lavozimidan ozod etildi. U bu lavozimda 2022-yilning iyunidan beri ishlab kelayotgandi.
Izoh (0)