O‘zbekiston 2022-yilda kartoshka sotib olishni kamaytirdi. Mahalliy yetishtirish esa oshgan 

2022-yilda O‘zbekistonda 3,4 million tonnadan ortiq kartoshka yetishtirildi, bu o‘tgan yilning shu davriga nisbatan 4,8 foizga ko‘p. Bu haqda EastFruit xabar bermoqda. 

Mamlakat statistika boshqarmasining dastlabki maʼlumotlariga koʻra, 2022-yilda Oʻzbekistonda umumiy kartoshka yetishtirish ko‘rsatkichi 3,44 mln tonnani tashkil etib, 2021-yilga nisbatan 156,1 ming tonnaga koʻpaygan. 

2022-yil iyul oyi oʻrtalaridan boshlab Oʻzbekistonda ulgurji kartoshka narxlari barqaror boʻlib, ancha tor narx oraligʻida oʻzgarib turdi. Narxlar monitoringi maʼlumotlariga koʻra, ushbu mahsulotlarning oʻrtacha ulgurji narxi 2022-yil 15-iyuldan 31-dekabrgacha boʻlgan davrda 4 000 — 4 500 soʻm/kg oraligʻida boʻlgan. 

2023-yil yanvar oyida O‘zbekistonda kartoshkaning ulgurji narxlari ushbu mintaqadagi anomal sovuq sabab yuqoriladi — 6—20-yanvar oralig‘ida 4 000 so‘mdan 5 000 so‘m/kg gacha. 

Biroq so‘nggi bir hafta ichida ushbu mahsulotlar narxi pasaygan va 2023-yil 27-yanvar holatiga ko‘ra, mamlakatda kartoshkaning o‘rtacha ulgurji narxi 4 500 so‘m/kg ni tashkil etgan bo‘lib, bu o‘tgan yilning shu sanasiga nisbatan 10 foizga pastdir.

Kartoshka meva-sabzavot segmentida mamlakatning eng yirik import qiluvchi mahsulotidir. 2022-yil oxiriga kelib, O‘zbekiston sotib olgan kartoshkaning umumiy hajmi 515-525 ming tonna oralig‘ida bo‘ldi va 2021-yilgi rekord ko‘rsatkichga nisbatan 4-6 foizga kam bo‘ldi. 

O‘zbekistonda 2022-yil oxirigacha kartoshkani olib kirish va sotishda qo‘shilgan qiymat solig‘i solig‘i nolga teng bo‘lgan.