Pokistonning Peshovar shahridagi masjidda portlash yuz berdi, deb xabar bermoqda Geo TV. Shifokorlar va xavfsizlik xodimlari ma’lumotlariga ko‘ra, qurbonlar soni 25 nafarga yetgan, kamida 120 kishi jarohat olgan.
Xavfsizlik xizmati ma’lum qilishicha, masjidda bo‘lganlardan biri o‘zini portlatib yuborgan. Namoz paytida u oldingi qatorda turgan edi.
Jabrlanganlar kasalxonaga yotqizildi, o‘ndan ortiq kishining ahvoli o‘ta og‘ir deb baholanmoqda.
Pokistonning rejalashtirish vaziri Ahsan Iqbol Twitter’dagi sahifasida ushbu voqeani “eng yomon terakt” deb atadi. Teraktni sobiq bosh vazir, “Adolat uchun harakat” partiyasi rahbari Imron Xon ham qoraladi.
29-yanvar kuni Pokistonda yo‘lovchi avtobusi ko‘prikka urilib, jarga qulab tushgandi. Oqibatda avtobus ichida 44 kishi tiriklayin yonib ketgan.
Izoh (0)